नरेंद्र विद्यापीठाचे पारितोषिक वितरण -पोलीस उप अधीक्षक बी आर पाटील प्रमुख पाहुणे
दत्तवाड -
शैक्षणिक, सामाजिक व सांस्कृतिक क्षेत्रात सृजनशील विकासाचे लोकमंगल कार्य गेली तेहतीस वर्षाहून आधिक काळ करीत असलेल्या नरेंद्र विद्यापीठ संस्थेचा पारितोषिक वितरण कार्यक्रम रविवार दिनांक ४ रोजी दुपारी दोन वाजता करवीर नगर वाचन मंदिर, भवानी मंडप, कोल्हापूर येथे संपन्न होत आहे.
कार्यक्रमाचे प्रमुख पाहुणे बी आर पाटील, पोलीस उपअधीक्षक कोल्हापूर व डॉ. चंद्रकांत पोतदार यांच्या हस्ते पारितोषिक वितरण कार्यक्रम संपन्न होणार असल्याची माहिती संस्थेचे अध्यक्ष अरविंद देशपांडे यांनी दिली आहे.
यावेळी पी एन देशपांडे, विना कुलकर्णी, सुनील करगुप्पीकर, गिरीजा गोडे , हे प्रमुख उपस्थित राहणार आहेत.
यावर्षीचे स्वर्गीय डॉक्टर न ना देशपांडे उत्कृष्ट काव्यसंग्रह पुरस्कार, स्वर्गीय वा गो कुलकर्णी उपक्रमशील शिक्षक पुरस्कार, सेवा भरती स्वर्गीय सौ जानकी न जोशी खडकलाटकर सेवा गौरव पुरस्कार, स्वर्गीय दमयंती नरेंद देशपांडे गृहिणी गौरव पुरस्कार, माझा भाऊ माझी बहीण निबंध लेखन स्पर्धा पारितोषिक वितरण, वाचनाची आवड विकसित करण्यासाठी मी केलेली उपक्रम निबंध लेखन स्पर्धा, याबरोबर गणेश गावकर व प्रशांत कुलकर्णी कोल्हापूर यांचा विशेष सत्कार आयोजित केला असून कार्यक्रम सर्वांना खुला आहे सर्वांनी उपस्थित रहावे असे आव्हान संस्थेचे अध्यक्ष देशपांडे यांनी केले आहे
