झेले हायस्कूलच्या माजी विद्यार्थ्यांनी जपली शाळेप्रती बांधिलकी

शिरोळ  : प्रतिनिधी : 

जयसिंगपूर (ता शिरोळ) येथील बळवंतराव झेले हायस्कूल मधील सन १९९७- ९८ या सालातील इयत्ता दहावीच्या विद्यार्थ्यांनी शाळेला डायस साऊंड सिस्टिम व गणवेश भेट देऊन शाळेप्रती असणारी बांधिलकी जोपासली आहे

झेले हायस्कूल मधील या माजी विद्यार्थी आणि विद्यार्थिनी तब्बल २५ वर्षानंतर एकत्र येत आठवणीच्या हिंदोळ्यावर या माध्यमातून स्नेह मेळावा आयोजित केला होता या मेळाव्यात शाळेस काहीतरी मदत करण्याच्या उद्देशाने एकत्रित आलेल्या विद्यार्थ्यांनी वर्गणी गोळा करून शाळेत आवश्यक असणारे डायस साऊंड सिस्टिम आणि गरजू विद्यार्थ्यांना गणवेश देत शाळेप्रती असणारे आपुलकीचे नाते ऋढ केले स्कूल कमिटीचे चेअरमन गजकुमार माणगावे आणि शाळेचे मुख्याध्यापक सावळवाडे यांनी या माजी विद्यार्थ्यांनी राबवलेल्या उपक्रमाचे कौतुक केले