पूर्व प्राथमिक व प्राथमिक शाळेमध्ये शिक्षक दिन उत्साहात साजरा
दत्तवाड --
येथील पूर्व प्राथमिक व प्राथमिक शाळेमध्ये भारताचे माजी राष्ट्रपती सर्वपल्ली राधाकृष्णन यांचा जन्मदिवस शिक्षक दिन म्हणून उत्साहात साजरा करण्यात आला यावेळी इयत्ता चौथीच्या विद्यार्थ्यांनी अध्यापन व शालेय व्यवस्थापनाचे काम केले.
सर्वप्रथम राष्ट्रपती सर्वपल्ली राधाकृष्णन यांच्या प्रतिमेचे पूजन करण्यात आले. तर सकाळपासून शाळेत होणाऱ्या विविध उपक्रम हे विद्यार्थ्यांनी घेतले त्यांनी शाला व्यवस्थापन सह लहान गट मोठा गट इयत्ता पहिली ते तिसरी पर्यंत वर्गाचे अध्यापन केले. शिक्षक हा दुसरा गुरु याबाबत कृतज्ञता व्यक्त करताना विद्यार्थ्यांनी मनोगते व्यक्त केली.
मुख्याध्यापक अभिजीत मालगावे शिक्षिका माया धुमाळे यांनी आपल्या मनोगतात शिक्षक दिनाचे महत्त्व व डॉक्टर सर्वपल्ली राधाकृष्णन यांची माहिती सांगितली.
प्राथमिक शाळेचे चेअरमन अजित चौगुले व सर्व सदस्य यांचे या कार्यक्रमाला प्रोत्साहन व मार्गदर्शन लाभले.
यावेळी सर्व शिक्षक विद्यार्थी उपस्थित होते.
