धोंडीलाल चाऊस यांना राज्यस्तरीय स्वामी विवेकानंद पुरस्कार जाहीर
घोसरवाड ता. शिरोळ येथील सामाजिक कार्यकर्ते श्री दत्त शेतकरी सहकारी कारखान्याचे कर्मचारी सारे पाटील फाउंडेशन घोसरवाड चे अध्यक्ष महात्मा गांधी तंटामुक्त समितीचे उपाध्यक्ष जितेंद्र उर्फ धोंडीलाल चाऊस यांना नुकताच राज्यस्तरीय स्वामी विवेकानंद पुरस्कार जाहीर झाला आहे.
धोंडीलाल चाऊस अनेक सामाजिक उपक्रमात भाग घेतात कोरोना काळात त्यांनी अनेकांना मदत केली आहे . महापुरात अनेक कुटुंबांना अन्नधान्य वाटप दिली आहे जिल्हा परिषद शाळेतील मुलांना वह्या वाटप गांधी जयंती निमित्त स्वच्छता अभियान जानकी वृद्धाश्रम येथे धान्य वाटप नऊ वेळा त्यांनी रक्तदान केले असून अब्दुल लाट येथील बाल उद्यान अनाथ शाळेचे धान्यवाटप व नवे दानवाड येथील आश्रम शाळेला एलईडी टीव्ही वह्या वाटप असे अनेक सामाजिक उपक्रम त्यांनी केले आहेत गॅस दरवाढी विरुद्ध आंदोलन सॅनिटायझर चे वाटप साखर वाटप त्यांनी केले आहे. समाजाचे आपण काही देणे लागतो या भावनेतून ते नेहमीच विविध घटकांना मदत करतात
या त्यांच्या कार्याची दखल घेऊन राज्यस्तरीय श्री स्वामी विवेकानंद पुरस्कार त्यांना जाहीर झाला आहे याबद्दल त्यांचे सर्वत्र अभिनंदन होत आहे.
