श्री नृसिंह सरस्वती महिला सहकारी दूध संस्थेकडून फरक बील व भेटवस्तू वाटप
दत्तवाड- येथील श्री नरसिंह सरस्वती महिला सहकारी दूध संस्थेकडून दूध पुरवठा करणाऱ्या दूध उत्पादक सभासदांना दूध खरेदी दर फरक व दिवाळी भेट वस्तूचे वाटप मान्यवरांच्या हस्ते करण्यात आले.
संस्थेकडून यावर्षी म्हैस दूध प्रतिलिटर सहा रुपये पंचवीस पैसे तर गाय दुधास प्रति लिटर चार रुपये या पद्धतीने उत्पादकास एकूण पाच लाख शहात्तर हजार आठशे पाच रुपये व प्रत्येक उत्पादक सभासदास दिवाळी भेट वस्तू याचे वाटप करण्यात आले श्री नरसिंह सरस्वती महिला सहकारी दूध संस्था गुरुदत्त संचालक बबनराव चौगुले यांच्या मार्गदर्शनाखाली सातत्याने सभासदांच्या हिताचा विचार करून दरवर्षी सभासदांना जास्तीत जास्त फरक बिल व भेटवस्तू देण्याची परंपरा यावर्षीही त्यांनी कायम ठेवली आहे.
यावेळी जयपाल नेजे, बापूसौ चौगुले ,अण्णाप्पा नागराळे कुमार चौगुले, हेमंत जोशी, संजय पोवाडी, सर्जेराव सोळशे ,सचिव आदिनाथ चौगुले यांच्यासह दूध उत्पादक सभासद मोठ्या संख्येने उपस्थित होते
