न्यूज 18 लोकमतच्या वृत्त निवेदिका स्नेहल पाटकर यांची खिद्रापूरला भेट

       

जेडी न्यूज नेटवर्क    खिद्रापूर : येथील जगप्रसिद्ध पुरातन कोपेश्वर मंदिरास न्यूज 18 लोकमतच्या सुप्रसिद्ध वृत्तनिवेदिका स्नेहल पाटकर यांनी भेट दिली. त्या प्रसंगी मराठी विद्या मंदिर खिद्रापूर या प्रशालेतील विद्यार्थ्यांशी संवाद साधला.

           मी ही एका छोट्याशा तालुक्याच्या गावातून पुण्या - मुंबईला आले.उच्चार स्वच्छ व स्पष्ट होण्यासाठी विद्यार्थ्यांनी आपले उच्चार सुधारण्यासाठी संस्कृत भाषेशी गट्टी करायची श्लोक पाठांतर, श व ष यांतील फरक समजणे आवश्यक आहे.बातम्या सांगण्यासाठी,रिपोर्टिंग लिहण्यासाठी उच्चार समजणे आवश्यक असते.

        आयुष्य हे एकदाच मिळते ते आपण आपल्या पद्धतीने व नैतिकतेने जगले पाहिजे. असे प्रतिपादन स्नेहल पाटकर यांनी केले.

           पर्यटन जगतात कोपेश्वर खिद्रापूरचे नाव आणण्यासाठी धडपडणारे पर्यटनप्रेमी प्राथमिक शिक्षक महेश जानवेकर सर प्रयत्नशील आहेत. सोशल मिडियावर सातत्याने प्रयत्न करीत असतात. त्यांनी व त्यांच्या स्टाफने हा दुग्धशर्करा योग जुळवून आणला.

      याप्रसंगी मुख्याध्यापक यशवंत हलकर, जयानंद बेरड, आलगोंडा पाटील, सुजाता मिरजकर उपस्थित होते.