दत्तनगरच्या कन्या शाळेत महिला मेळावा व पाककला स्पर्धा संपन्न

जे डी नेटवर्क न्यूज

शिरोळ : कन्या विद्या मंदिर दत्तनगर येथे आज मंगळवार दिनांक 24/1/2023 रोजी महिला मेळावा व पाककला स्पर्धा तांदळापासून पदार्थ बनवून आणणे व महिलांची संगीत खुर्ची,फनी गेम्स, हळदीकुंकू समारंभ आयोजित करण्यात आला होता.

          या कार्यक्रमासाठी दत्त कारखान्याच्या एमडी वहीनी सौ.भारती पाटील अध्यक्ष होत्या. तसेच शाळा व्यवस्थापन समिती अध्यक्षा सौ.चैताली मगदुम,माजी उपनगराध्यक्षा सौ.कमलाताई शिंदे  व सौ.अन्नपुर्णा कोळी मॅडम व सर्व सदस्य महिला भगिनी उपस्थित होत्या.

                कन्या शाळेच्या मुख्याध्यापिका अस्मिता सुतार यांनी प्रास्ताविक केले.रुपाली भगाटे,संगिता घोरपडे यांनी मार्गदर्शन केले.कार्यक्रमासाठी दिलीप शंकर कोळी,राजाराम सुतार,इनास बारदेसकर,किरण पाटील यांनी विशेष परिश्रम घेतले. शेवटी आभार प्रदर्शन सौ. सुजाता खोत मॅडम यांनी केले.