परमपूज्य ऋषिकेशानंद महाराज यांचा पट्टाभिषेक सोहळा

दत्तवाड। --  येथील श्री सद्गुरु बाबा महाराज यांचे अविमुक्त सुक्षेत्र दत्तवाड (ता.शिरोळ) येथील श्री बाबा महाराज आश्रम येथे श्री डॉ.अदृशदेव बाबा महाराज यांचे सुपुत्र प.पू. श्री. ऋषिकेशानंद बाबा महाराज यांचा "पिठाभिषेक कार्यक्रम" दिनांक २५ व २६ जानेवारी २०२३ रोजी भक्तिमय व धार्मिक वातावरणात संपन्न होणार आहे. यानिमित्त दोन दिवस विविध धार्मिक कार्यक्रम परमपूज्य श्री काडसिद्धेश्वर स्वामीजी (कनेरीमठ) व श. भ्र. श्री डॉ. पालाक्ष शिवयोगेश्वर महाराज काद्रोळी, यांच्या पावन हस्ते संपन्न होणार आहे. यानिमित्त दिनांक २५ जानेवारी रोजी सकाळी ९ वा. ध्वजारोहण, सिद्धेश्वर स्वामीजी फोटो पूजन, होम विधी सुरुवात परमपूज्य श्री काडसिद्धेश्वर स्वामीजी (कनेरीमठ) यांच्या शुभहस्ते, सकाळी १० वा. कलश मिरवणूक, दुपारी २ वा. होम समाप्ती व प्रसाद, संध्याकाळी ६ वा. अमृत उपदेश उपस्थित सर्व स्वामींचे व रात्री १० वा. प्रसाद तर २६ जानेवारी रोजी पहाटे ४ वा. पट्टाभिषेक विधी विधान व होम, सकाळी १० वा. सर्व स्वामीजी यांचे प्रवचन, दुपारी २ वा. महाप्रसाद असे कार्यक्रम संपन्न होणार आहेत. तरी सर्व भक्तांनी सदर कार्यक्रमात सहभागी होऊन पुण्य लाभ करून घ्यावा असे आवाहन करण्यात आले आहे.

       सदर कार्यक्रमात काद्रोळी, इचलकरंजी, निडसोशी, हुबळी, काडरकोप, हुकेरी, चिंचणी, मुंडर्गी, बैलूर, मल्लापुर, कल्लूर, हिप्परगी, बेनवाड, विधियुक्त वैदिक संस्कार आदी आश्रम व मठातील स्वामीजी उपस्थित राहणार आहेत. याशिवाय प्रमुख अतिथी म्हणून श्रीमंत करणसिंग उर्फ मुरारराव दौलतराव घोरपडे, श्रीमंत भवानीसिंग उर्फ बहिर्जी मालोजीराव घोरपडे, श्रीमंत संताजीराव उर्फ दत्ताजीराव मालोजीराव घोरपडे दत्तवाडकर सरकार यांचे सह जिल्ह्यातील आजी-माजी खासदार, आमदार, विविध कारखान्याचे चेअरमन, जिल्हाधिकारी, प्रांताधिकारी, तहसीलदार, कुरुंदवाड चे पोलीस निरीक्षक आधी सह कर्नाटकातील काही खासदार व आमदार व पदाधिकारी उपस्थित राहणार आहेत.  सर्वांनी या कार्यक्रमात सहभागी होऊन पुण्य लाभ घ्यावा असे प्रसिद्धीला दिलेल्या पत्रकात म्हटले आहे