रोटरी क्लब व मातोश्री चिल्ड्रन्स हॉस्पीटल शिरोळ आयोजित प्रज्ञाशोध सराव परीक्षा संपन्न.

जेडी न्यूज कोल्हापूर

शिरोळ : रोटरी क्लब ऑफ शिरोळ,मातोश्री चिल्ड्रन्स हॉस्पीटल शिरोळ व पंचायत समिती शिरोळ यांच्या संयुक्त विद्यमाने आयोजित दत्तनगर केंद्रातील इयत्ता चौथीच्या विद्यार्थ्यांसाठी प्रज्ञाशोध सराव चाचणी शिवजयंती निमित्ताने रविवार दि.19 फेब्रुवारी 2023 रोजी घेण्यात आली.

          गट शिक्षण अधिकारी दिपक कामत यांच्या मार्गदर्शनाखाली परीक्षा प्रमुख अण्णा मुंडे,मुख्याध्यापक राजर्षी शाहू विद्या मंदिर नंबर १ व कन्या विद्या मंदिर नं. 2 शिरोळ यांच्या नियोजनाखाली परीक्षा नियंत्रक बाळासाहेब कोळी,सहनियंत्रक धनाजी आवळे,शरद सुतार,रमजान पाथरवट,सतीश नलवडे व स्टाफने जबाबदारी पार पाडली.

            पहिल्यांदाच पेपर तपासणीसाठी स्कॅनर निर्मिती सनी सुतार यांनी केली आहे. त्यामुळे झटपट निकाल लागण्यास मदत आली.यशस्वी विद्यार्थांना शिक्षण विस्तार अधिकारी अनिल ओमासे यांचे हस्ते बक्षिस वितरण करण्यात आले.यावेळी दोन्ही शाळांचे शाळा व्यवस्थापन समितीचे अध्यक्ष,उपाध्यक्ष व सदस्य उपस्थित होते.आभार दिपक वावरे यांनी मानले.

           प्रज्ञाशोध सराव परीक्षेसाठी रोटरी क्लब हेरिटेज सिटी शिरोळ, मातोश्री चिल्ड्रन्स हॉस्पीटल, मराठा क्रांती मोर्चा सेवक संघटना महाराष्ट्रच्या वतीने सौ.मनिषा कुंभार यांचेकडून उत्तेजनार्थ बक्षिस मिळाले. या सर्वांच्या सहकार्याबद्दल पालक, विद्यार्थी,शिक्षकांतून समाधान व्यक्त होत आहे