सामूहिक श्री गुरुचरित्र पारायण सोहळा संपन्न

जेडी न्यूज नेटवर्क दत्तवाड

माघ पौर्णिमेनिमित्त श्री क्षेत्र नृसिंहवाडी येथील श्री स्वामी समर्थ गुरुपीठ (दत्तधाम ) येथे एकदिवसीय सामुहिक श्री गुरुचरित्र पारायण सोहळ्यात सुमारे साडेचार हजार सेवेकर्‍यानी श्री स्वामी चरणी सेवा रुजु केली.

 येथील गुरुपीठात(दत्तधाम) दर पौर्णिमेला एकदिवसीय सामुहिक श्री गुरुचरित्र पारायणाचे आयोजन केले जाते.

         माघ पौर्णिमेनिमित्त सकाळपासूनच सेवेकरी, भाविकांनी मंदिरात दर्शनासाठी गर्दी केली होती

पौर्णिमेनिमित्त सकाळी भूपाळी आरती ,शोडषपचारी पूजा ,साडेदहाला नैवेद्य आरती , बारा वाजता महाप्रसाद सायंकाळी साडेसहा वाजता नैवेद्य आरती झाली.

श्री गुरुचरित्र पारायणास कोल्हापूर ,सांगली ,सातारा, पुणे, नाशिक आदी जिल्ह्यातून सेवेकरी आले होते. मदिंर परिसर पूर्ण भक्तीमय वातावरणाने भरून गेला होता. मंदिराची तीन मजली इमारत, टेरेस, औदुंबर वृक्षाजवळ,जिन्यावर ,जुने पत्रा शेड,आदी ठिकाणी बसुन सेवेकर्‍यानी श्री गुरुचरित्र पारायणाची सेवा  रुजु केली.

  हजारो भाविक,सेवेकर्‍यानी महाप्रसादाचा लाभ घेतला.