अकिवाट येथील श्री विद्यासागर हायस्कूल येथे इ.१० वी सदिच्छा समारंभ संपन्न
अकिवाट येथील श्री विद्यासागर हायस्कूल येथे इ.१० वी सदिच्छा समारंभ संपन्न
कार्यक्रमात पाहुण्यांचे स्वागत व प्रास्ताविक करताना दहावीच्या विद्यार्थ्यांना परीक्षेसाठी शुभेच्छा प्रशालेचे मुख्याध्यापक दादासो वाडकर यांनी दिल्या.कार्यक्रमाचे अध्यक्ष शालेय समितीचे अध्यक्ष कमलाकर चौगुले व प्रमुख पाहुणे राजू जूगळे मुख्याध्यापक केंद्रशाळा दत्तवाड , पत्रकार गणपती कागे,लक्ष्मण पाटील , स्थानिक शालेय समितीचे सदस्य,भूपाल रायनाडे, अजित कल्लण्णावर तसेच सर्व शालेय समिती सदस्य यावेळी उपस्थित होते.
यावेळी शाळेतून आदर्श विद्यार्थी म्हणून संकेत पाटील तर आदर्श विद्यार्थिनी म्हणून सलोनी गोरवाडे यांची निवड झाली. इ.१०वी च्या विद्यार्थी विद्यार्थिनी यांनी शाळेसाठी चार्जिंग साउंड सिस्टीम तर साक्षी व संचिता बेरड यांनी समई भेट दिली.विदयार्थी मनोगतात नेहा पाटील, अनुष्का उळागड्डे,नेहा कांबळे,जानवी कांबळे, सौंदर्या कोष्टी , संकेत पाटील आदींनी मनोगत व्यक्त केले.वर्गाध्यापक जे.आर.चावरे यांनी मनोगत व्यक्त केले.प्रमुख पाहुणे राजू जूगळे यांनी विविध उदाहरणातून प्रेरणा दिली व मिळालेल्या वेळेत चर्चात्मक अभ्यास करून वेळेचा उपयोग करावा असे सांगितले कार्यक्रमाचे अध्यक्ष कमलाकर चौगुले यांनी इयत्ता दहावीच्या विद्यार्थ्यांना आपल्या वडिलांचे आईचे नाव चांगले होईल यासाठी प्रयत्न करावा असे सांगितले
यावेळी सर्व विद्यार्थी विद्यार्थिनी अध्यापक अध्यापिका व शिक्षकेतर कर्मचारी याप्रसंगी उपस्थित होते
