इनरव्हील क्लब इचलकरंजी व विद्योदय मुक्तांगण परिवार मार्फत वैज्ञानिक आपल्या भेटीला उपक्रम

 दत्तवाड -

   इनरव्हील क्लब इचलकरंजी व विद्योदय मुक्तांगण परिवार मार्फत वैज्ञानिक आपल्या भेटीला उपक्रम

राष्ट्रीय विज्ञान दिनाच्या निमित्ताने मंगळवार दि.28 फेब्रुवारी 2023 रोजी सकाळी 9 ते 2 पर्यंत केंद्रीय प्राथमिक शाळा अब्दुललाट येथे "छोटे कलाम अॅवार्ड व वैज्ञानिक आपल्या भेटीला " हा कार्यक्रम संपन्न होत आहे.

          संपूर्ण फेब्रुवारी महिन्यात पंचक्रोशीतील निवडक शाळेतील पर्यावरणातील समस्या सोडवणारे उत्तम प्रकल्प सादर करणाऱ्या विद्यार्थ्यांना छोटे कलाम अॅवार्ड देऊन सन्मानित करण्यात येणार आहे.याशिवाय वैज्ञानिक आपल्या भेटीला हा कार्यक्रम आयोजित केला आहे.

           इचलकरंजी एज्युकेशन सोसायटीचे अध्यक्ष डॉ.गोविंद ढवळे यांचे मार्गदर्शन होणार आहे.सरपंच सौ. कस्तुरी कुरुंदवाडे,उपसरपंच स्वप्निल सांगावे,ग्रामसेवक विजयसिंग राजपूत हे प्रमुख पाहुणे तर केंद्रप्रमुख सलिम अत्तार, मुख्याध्यापिका संपदा निर्मळे यांच्या उपस्थितीत संपन्न होणार आहे.

       तरी मुलांचे प्रकल्प पाहायला व त्यांना प्रोत्साहन द्यायला उपस्थित राहण्याचे आवाहन केले आहे.