सैनिक टाकळी येथील अंगणवाडी साठी सुमारे २२,५०००० रुपयाचा निधी मंजूर- सैनिक टाकळी प्रतिनिधी - येथील अंगणवाडी क्रमांक २२३ व २२४ साठी सुमारे २२,५०००० रुपयाचा निधी मंजूर झाल्याची माहिती पंचायत समितीचे माजी उपसभापती भवानीसिंग घोरपडे यांनी दिली कोल्हापूर जिल्हा परिषदेचे मुख्य कार्यकारी अधिकारी संजयसिंह चव्हाण यांनी याबाबतचे प्रशासकीय पत्र घोरपडे यांना दिले. यावेळी ग्रामपंचायतीचे माजी उपसरपंच श्रीधर भोसले, संतोष गायकवाड,सुशांत कोष्टी उपस्थित होते. भवानी सिंग घोरपडे यांनी सैनिक टाकळी येथील प्राथमिक, माध्यमिक, अंगणवाडी शाळांना लाखोंचा निधी मिळवून देण्यासाठी प्रयत्न केले आहेत. याचबरोबर सी. एस. आर. एन.जी.ओ. यांच्या माध्यमातून देखील गावामध्ये विविध योजना राबवल्या आहेत . यावेळी बोलताना ते म्हणाले देशसेवेचे व्रत घेतलेल्या या गावातील गोरगरिबांच्या मुलांना दर्जेदार शिक्षण मिळावे यासाठी स्वयंसेवी संस्था, सीएसआर फंड, शासनाच्या विविध योजनेतून सतत प्रयत्न करत असतो. याला यशही मिळत असल्याने समाधान वाटते. आपण हे काम सामाजिक भावनेतून करत असल्याचे त्यांनी यावेळी उल्लेख केला.
