संजय राऊत शहीद जवान स्मारकासआदरांजली वाहणार ,दत्तवाड येथे सत्कार -युवराज घोरपडे

 संजय राऊत शहीद जवान स्मारकास आदरांजली वाहणार, दत्तवाड येथे सत्कार-युवराज घोरपडे

शिवसेनेचे खासदार संजय राऊत हे सैनिक टाकळी येथील शहीद जवान स्मारकास शुक्रवारी सकाळी साडे नऊ वाजता आदरांजली वाहणार आहेत,  तर ते दतवाड मार्गे सैनिक टाकळी येथे जाणार असून दतवाड येथील बस स्थानकावर त्यांचा सत्कार करण्यात येणार आहे अशी माहिती युवराज घोरपडे यांनी दिली. 

       सध्या ते कोल्हापूर जिल्ह्यातील शिवगर्जना मेळाव्यासाठी दोन दिवसाच्या दौऱ्यावर आहेत. शिवसेनेमध्ये बंडखोरी झाल्यापासून राज्यभरामध्ये विविध ठिकाणी मेळावे आयोजित केले जात आहेत. कोल्हापूर जिल्ह्यातील सैनिक टाकळी या गावाला सैनिक परंपरा असून या गावचे पहिल्या महायुद्धापासून आज अखेर 18 जवान शहीद झाले आहेत. गावांमधील सुमारे ४०० पेक्षाही जास्त सैनिक देशसेवेमध्ये कार्य बजावत आहेत. याचबरोबर ८०० सैनिक सेवानिवृत्त झाले आहेत. जिल्हाप्रमुख मुरलीधर जाधव उपजिल्हाप्रमुख मधुकर पाटील यांनी राऊत यांना गावाविषयी माहिती दिली होती. खासदार राऊत यांनी सैनिक परंपरा असलेल्या गावाला भेट देण्याचे निश्चित केले आहे. यानंतर त्यांचा हा दौरा निश्चित झाला असून ते दतवाड मार्गे सैनिक टाकळी येथे जाणार आहेत दत्तवाड येथील शिवसैनिकांमार्फत त्यांचा येथील बस स्थानकावरच्या चौकात सत्कार करण्यात येणार आहे अशी माहिती युवराज घोरपडे यांनी दिली