सकाळ रिलीफ फंडामधून कन्या घोसरवाडच्या शाळा दुरुस्तीला सुरुवात.
सकाळ रिलीफ फंडामधून कन्या घोसरवाडच्या शाळा दुरुस्तीला सुरुवात.
घोसरवाड: सकाळ वृत्तसमूहाच्या रिलीफ फंडातून कन्या विद्या मंदिर घोसरवाड, ता.शिरोळ जि.कोल्हापूर येथील कौलारू इमारतीच्या शाळा दुरुस्तीसाठी दत्तवाडचे श्रीमंत भवानीसिंह घोरपडे यांच्या विशेष प्रयत्नाने २० एप्रिल २०२३ रोजी ५ लाख रुपयांचा चेक प्राप्त झाला होता.
सदर ५ लाख रुपयांच्या मदतीतून ४ कौलारू खोल्यांचे छप्पर दुरुस्ती करण्यात येणार आहे.उच्च दर्जाच्या कोटेड अॅल्युमिनियम पत्रे,अँगल इत्यादी आवश्यक साहित्य काल शाळेत आणण्यात आले आहे. लवकरात लवकर काम पूर्ण करण्याच्या सूचना श्रीमंत भवानीसिंह घोरपडे सरकार यांनी दिल्या.
याप्रसंगी माजी सरपंच बाबासाहेब पुजारी,माजी उपसरपंच मयूर खोत,खंडू भोरे,प्रकाश मोहिते,आनंदा जाधव,सूरज माने,प्रा.बाळसिंग मिसाळ,शाळा व्यवस्थापन समिती अध्यक्षा -दिपाली पुजारी,भाग्यश्री भिर्डे,केंद्रप्रमुख तथा मुख्याध्यापक रमेश शंकर कोळी,गुंडा परीट,विद्याधर मोकाशी,प्रतिभा निर्मळे,दिलीप शिरढोणे उपस्थित होते.
