दत्तवाड तंटामुक्त समितीच्या उपाध्यक्षपदी जितेंद्र दावणे बिरणगे
दत्तवाड तंटामुक्त समितीच्या उपाध्यक्षपदी जितेंद्र दावणे बिरणगे
दत्तवाड (ता. शिरोळ) येथील महात्मा गांधी तंटामुक्त समितीच्या उपाध्यक्षपदी जितेंद्र दावणे यांची बिनविरोध निवड करण्यात आली. निवडीच्या अध्यक्षस्थानी सरपंच चंद्रकांत कांबळे हे होते. संजय कांबळे यांचा कार्यकाल संपल्याकारणाने त्यांनी राजीनामा दिला होता. यामुळे जितेंद्र दावणे यांची उपाध्यक्ष पदासाठी एक मताने बिनविरोध निवड करण्यात आली.
जितेंद्र दावणे यांची उपाध्यक्ष पदासाठी निवड होताच त्यांच्या समर्थकांनी हलगी ताशाच्या तालावर गुलालाची उधळण करत फटाक्यांची आतिषबाजी करत आनंदोत्सव साजरा केला. तंटामुक्त उपाध्यक्ष पदाच्या माध्यमातून गोर-गरीब नागरिकांना न्याय देण्याचे कार्य त्याचबरोबर सामान्य जनतेचे सेवा करणार असल्याचे जितेंद्र दावणे यांनी सांगितले.
यावेळी उपसरपंच रुपाली पोवाडी, तंटामुक्त अध्यक्ष सुरेश पाटील, कोल्हापूर जिल्हा युवक काँग्रेस सरचिटणीस उद्यय पाटील, भाजपा शिरोळ तालुका उपाध्यक्ष राजगोंडा पाटील, शिवसेना उपतालुका प्रमुख युवराज घोरपडे, नूर काले, अशोक पाटील- टाकवडे, दौलत माने, तेजस वराळे त्याचबरोबर सर्व ग्रा.पं.सदस्य, तंटामुक्त समितीचे सदस्य, नागरिक उपस्थित होते.
