स्वर्गीय विलास पाटील गुरुजींचे कार्य सदैव प्रेरणादायी : दिलीप शिरढोणे
स्वर्गीय विलास पाटील गुरुजींचे कार्य सदैव प्रेरणादायी : दिलीप शिरढोणे
म्हाकवे :
स्वर्गीय विलास पाटील गुरुजींचे कार्य सदैव प्रेरणादायी आहे.असे प्रतिपादन दिलीप शिरढोणे यांनी केले.दि प्राथमिक शिक्षक बँकेचे माजी चेअरमन,
श्री शाहू शिक्षक आघाडीचे संस्थापक व सर्वसामान्य शिक्षकांचे कैवारी स्वर्गीय विलास पाटील गुरुजी यांच्या ६ व्या पुण्यतिथीनिमित्त अभिवादन करताना बोलत होते.
याप्रसंगी महाराष्ट्र राज्य पदवीधर संघटनेचे राज्य कार्याध्यक्ष शिवाजीराव ठोंबरे म्हणाले -गुरुजींचा धाडसी व करारी बाणा वाखाणण्यासारखा होता.तर साने गुरुजी प्राथमिक शिक्षक पतसंस्था जयसिंगपूरचे व्हा.चेअरमन हाजी मेहबूब मुजावर यांनी गुरुजींच्या सर्वसामान्य शिक्षकांच्या प्रती असलेल्या जिव्हाळ्यासंदर्भात सांगितले. उर्दू शिक्षक संघटनेचे शिरोळ तालुकाध्यक्ष महंमदहनिफ मुल्ला यांनी गुरुजींचे संघटना कौशल्य व प्रश्नांच्या सोडवणूकीसंदर्भातील निस्वार्थी तळमळ याबद्दल कृतज्ञता व्यक्त केली.शिरोळ तालुका प्राथमिक शिक्षक पतसंस्था कुरुंदवाडचे संचालक अशोक कोळी यांनी विलास पाटील गुरुजींच्या माणुसकी व दातृत्वाविषयी कृतज्ञता व्यक्त करुन अभिवादन केले.
शिरोळ तालुक्यातील शिक्षक कागल तालुक्यातील म्हाकवे येथील निवासस्थानी येवून गुरुजींच्या प्रती असणाऱ्या प्रेमापोटी अभिवादन केल्याबद्दल कुटुंबियांना गुरुजींच्या कार्याबद्दल अभिमान वाटला.
याप्रसंगी स्वर्गीय विलास पाटील गुरुजींचे कुटुंबिय उपस्थित होते.
