श्री गुरुदत्त शुगर्स प्रा.लि. टाकळीवाडी यांचेवतीने श्री विद्यासागर हायस्कूल, अकिवाट येथे वह्या वाटप समारंभ संपन्न .

अकीवाट --.

     टाकळीवाडी ता. शिरोळ येथील श्री गुरुदत्त शुगर्स प्रा.लि. च्या वतीने कारखान्याचे संस्थापक आदरणीय श्री. माधवरावजी घाटगे यांचे सुपुत्र मा.श्री. राहूलजी घाटगे यांच्या वाढदिवसानिमित्त संकलित झालेल्या वह्यांचे वाटप अकिवाट येथील प्रतिथयश व जिल्ह्यातील उपक्रमशील शाळा म्हणून नावलौकिक असलेल्या श्री विद्यासागर हायस्कूल मधील हुशार व होतकरू विद्यार्थ्यांना करण्यात आले.

     या अनोख्या उपक्रमासाठी मा.श्री. माधवरावजी घाटगे यांची प्रेरणा लाभली. कारखान्याचे प्रतिनिधी म्हणून सुरक्षा विभागप्रमुख मा.श्री. शामराव पाटील, लेबर ऑफिसर मा.श्री. सी. डी. पाटील , लेखनिक मा.श्री. सुरेश पाटील व  विद्यालयाचे मुख्याध्यापक मा.श्री. दादासो वाडकर सर उपस्थित होते . त्यांच्या शुभहस्ते विद्यार्थ्यांना वह्या वितरण करण्यात आल्या .

     समारंभाचे स्वागत व प्रास्ताविक मा.श्री. दादासो वाडकर यांनी केले तर उपस्थितांचे आभार पर्यवेक्षक श्री.एम.बी. पाटील यांनी व्यक्त केले. याप्रसंगी सर्व विद्यार्थी - विद्यार्थिनी, शिक्षक ,शिक्षकेतर कर्मचारी व सेवक उपस्थित होते.