लोकशाहीर अण्णाभाऊ साठे यांची १०३ वी जयंती आज दत्तवाड येथे मोठ्या उत्साहात साजरी

 दत्तवाड -

लोकशाहीर अण्णाभाऊ साठे यांची १०३ वी जयंती आज दत्तवाड येथे मोठ्या उत्साहात साजरी करण्यात आली. सरपंच चंद्रकांत कांबळे यांच्या हस्ते अण्णाभाऊ साठे यांच्या पुतळ्यास पुष्पहार अर्पण करून अभिवादन करण्यात आले. या निमित्याने विद्यार्थ्यांना वह्या व पेनांचे वाटप करण्यात आले.

यावेळी सरपंच चंद्रकांत कांबळे, तंटामुक्त अध्यक्ष सुरेश पाटील, संजय पाटील, कोल्हापूर जिल्हा युवक काँग्रेस सरचिटणीस उदय पाटील, तेजस वराळे, भाजपा तालुका उपाध्यक्ष राजगोंडा पाटील आदींनी मनोगते व्यक्त केली. यावेळी उपसरपंच मनीषा चौगुले, तंटामुक्त उपाध्यक्ष जितेंद्र दावणे, सुरज शिंगे, बाळासो कोकणे, नूर काले, प्रकाश चौगुले, शामराव बिरणगे, ग्रा. सदस्या अनिता कडाके, काशीबाई केंगारे त्याचबरोबर एबीएस ग्रुप चे सर्व पदाधिकारी, महिला, नागरिक मोठ्या संख्येने उपस्थित होते. स्वागत व आभार विजय श्रावस्ती यांनी मानले.