गुरुदत्त शुगर्सकडून परिसरातील विद्यार्थ्यांना मोफत वह्या वाटप

 सैनिक टाकळी( प्रतिनिधी)

 गुरूदत्त शुगर्स लि. टाकळीवाडीचे एक्झीक्युटिव्ह डायरेक्टर  राहुल  घाटगे यांच्या वाढदिवसा निमित्त संग्रहीत झालेल्या वह्यांचे वाटप कारखाना परिसरातील सर्व शाळेमध्ये करण्यात आले. येथील श्री छत्रपती शिवाजी हायस्कूल व गर्ल्स हायस्कूल मध्ये  कारखान्याचे सिक्युरिटी ऑफिसर शामराव पाटील व  ह्युमन रीसर्च डेप्युटी  मॅनेजर सी. व्ही. पाटील यांच्या हस्ते  विद्यार्थी-विद्यार्थिनींना  वह्या वाटप करण्यात आले. 

 यावेळी शाळेचे मुख्याध्यापक विनोद पाटील, ए टी काटकर एनसीसी ऑफिसर उदय पाटील आर.एम पाटील , यांच्या सह शिक्षक विद्यार्थी उपस्थित होते.