लायन्स क्लब कडून डॉ.बाबासाहेब आंबेडकर वसतिगृहात वॉटर प्युरीफायर प्रदान

शिरोळ : प्रतिनिधी : 

मौजे आगर येथील डॉ. बाबासाहेब आंबेडकर मागासवर्गीय मुलांचे शासकीय वसतिगृह आणि अनुसूचित जाती व नवबौद्ध मुलांच्या शासकीय निवासी शाळेत लायन्स क्लब ऑफ शिरोळ यांच्याकडून मोफत आरओ वॉटर प्युरीफायर प्रदान करण्यात आले. लायन्स क्लबचे सदस्य प्रवीण उर्फ भैय्या चौगुले यांच्या पुढाकारातून लायन्स क्लबने शाळा आणि वसतिगृहात वॉटर प्युरीफायर प्रदान करून सामाजिक बांधिलकी जोपासली आहे. दरम्यान, उपस्थित मान्यवरांचे स्वागत वसतिगृहाचे अधीक्षक केशव पांडव यांनी केले

लायन्स क्लबचे संस्थापक अध्यक्ष किशोर पाटील रेंदाळकर,विद्यमान अध्यक्ष सुनील देशमुख यांच्यासह अन्य मान्यवरांचा वसतिगृहाच्या वतीने सत्कार करण्यात आला. यावेळी लायन्स क्लबचे माजी अध्यक्ष सचिन माळी यांनी मनोगत व्यक्त केले. यावेळी लायन्स क्लबचे खजिनदार अभिजीत गुरव, प्रवीण उर्फ भैय्या चौगुले,अमोल देशमुख, सर्जेराव पाटील, मुख्याध्यापक प्रदीप जवाहिरे, शाहू प्रधान, यासह अन्य मान्यवर उपस्थित होते. सूत्रसंचालन शुभम कांबळे यांनी केले.