बांबरवाडीच्या विराजचा अनोखा वाढदिवस संपन्न.
.दत्तवाड:
विद्या मंदिर बांबरवाडी,दत्तवाड या शाळेचा इयत्ता ४थी मध्ये शिकणारा विराज उमाजी चव्हाण याचा आज वाढदिवस अनोख्या पध्दतीने संपन्न झाला.
अंगणवाडीतील मुलांना बसण्यासाठी चटयांची आवश्यकता होती.ती गरज सामाजिक कार्यकर्ते प्रमोद पाटील यांनी विराजचे वडील उमाजी पांडुरंग चव्हाण यांना बोलून दाखविली.वारकरी संप्रदायाच्या वारसा जपणाऱ्या पांडुरंग चव्हाण कुटुंबियांनी तात्काळ संमती दर्शवून अंगणवाडीतील मुलांना बसण्यासाठी चटया देण्यात आल्या.विद्या मंदिर बांबरवाडीचे मुख्याध्यापक दिलीप शिरढोणे यांचे अनमोल सहकार्य लाभले.
याप्रसंगी संभाजी मोहिते मामा,अंगणवाडी सेविका रेखा चव्हाण,मदतनीस भाग्यश्री कांबळे,चि.विराज व विद्यार्थी उपस्थित होते.
