युनायटेड इंडिया इन्शुरन्स कंपनी यांच्यामार्फत श्री सरस्वती हायस्कूल शाळेमध्ये शुद्ध पाणी फिल्टर अर्पण

टाकळीवाडी 

 येथील श्री सरस्वती हायस्कूल शाळेमध्ये मुलांना शुद्ध पाणी पिण्याची सोय नव्हती.  शुद्ध पाणी नसल्यामुळे अनेक विद्यार्थी, विद्यार्थिनी ,आजारी पडत होते.याची दखल घेऊन युनायटेड इंडिया इन्शुरन्स कंपनी जयसिंगपूर व इचलकरंजी शाखा यांच्या वतीने १ तासामध्ये ५० लिटर पाणी फिल्टर करणारा शुद्ध पेजल देण्यात आला.

    विशेष सहकार्य मा.महेश कांबळे  युनायटेड इंडिया इन्शुरन्स कंपनी जयसिंगपूर चे मॅनेजर यांचे मोलाचे सहकार्य लाभले.

  यावेळी युनायटेड इंडिया इन्शुरन्स कंपनीचे विभागीय प्रबंधक इचलकरंजी शाखेचे . स्वप्निल मदने  यांचा विशेष सत्कार करण्यात आला. जयसिंगपूर विभागीय प्रशासकीय अधिकारी .अमित शिंगे यांचा  सत्कार करण्यात आला. 

   तसेच सुभाष काळूगडे, अनिल कोळी, तेजस ठोमके, तसेच जयसिंगपूर शाखा व इचलकरंजी शाखा यांचे सर्व विमा प्रतिनिधी  यांचा सत्कार करण्यात आला.

  पाणी फिल्टर चे उद्घाटन . स्वप्निल मदने व अमित शिंगे  यांच्या हस्ते करण्यात आले. सर्वत्र युनायटेड इंडिया इन्शुरन्स कंपनीचे कौतुक होत आहे. मुलांच्या चेहऱ्यावर सुद्धा एक प्रकारचा आनंद दिसून येत होता.

    यावेळी शाळा समिती व्यवस्थापन चे  अध्यक्ष, सर्व सदस्य, मुख्याध्यापक सर्व शिक्षिका, शिक्षक ,विद्यार्थी, विद्यार्थिनी मोठ्या संख्येने उपस्थित होते.