सर्पमित्र सोहेल कलीम गवंडी याने ७ फूट धामीण सर्पाला दिले जीवदान.
दत्तवाड:
बांबरवाडी,दत्तवाड येथील सुभाष चव्हाण यांच्या घराजवळील लाकडात ७ फूट धामण जातीचा सर्प दिसून आला. दुपारची वेळ असल्याने घरी फक्त महिला होत्या. प्रसंगावधान राखून मुख्याध्यापक दिलीप शिरढोणे यांनी सर्पमित्र सोहेल सलीम गवंडी यांना माहिती दिली.काही वेळातच सर्पमित्र सोहेल घटनास्थळी उपस्थित राहून लाकडे बाजूला करुन ७ फूट धामण सर्प पकडून त्याला जीवदान दिले.
यावेळी माजी उपसरपंच दिलीप चव्हाण,शांताराम चव्हाण,केरबा चव्हाण,तेजस चव्हाण यांचे सहकार्य लाभले.
आजपर्यंत शंभराहून अधिक सर्पांना जीवदान देण्याचे काम सोहेल सलीम गवंडी, संतोष पाटील व मनोज सुतार या दत्तवाडमधील सर्पमित्र करीत आहेत.
