माध्यमिक आश्रम शाळेतील विद्यार्थ्यांना दानशूर व्यक्तींकडून स्पोर्ट्स ड्रेसचे वाटप
दत्तवाड -नवे दानवाड ता. शिरोळ येथील माध्यमिक आश्रम शाळा तील विद्यार्थ्यांना दानशूर व्यक्तींकडून स्पोर्ट्स ड्रेसचे वाटप करण्यात आले.
माध्यमिक आश्रम शाळेतील विद्यार्थ्यांना योगासन करणे, मैदानावर विविध खेळ खेळणे यासाठी स्पोर्ट ड्रेस म्हणजे किट ची आवश्यकता होती. मुख्याध्यापक अनिल पाटील व त्यांच्या सहकाऱ्यांनी दानशूर व्यक्तींची संपर्क साधून याबाबत मागणी केली याला प्रतिसाद देत नवे दानवाड येथील माजी सैनिक व वेंगुर्ला येथील सार्वजनिक बांधकाम खात्यातील अधिकारी विठ्ठल शिंदे, अंबुपे सहकारी दूध संस्थेचे प्रमुख सचिन आंबुपे, व दत्तवाड येथील रायकर ज्वेलर्स चे मालक गजानन रायकर , अरुण भंडारे,सुंदर शिवपुत्र कांबळे महा ई सेवा केंद्र दत्तवाड , इफको ड्रोन सीमा पाटील , शुभांगी शिंगे दत्तवाड,संजीव नाईक यांनी विद्यार्थ्यांना व विद्यार्थिनींना स्पोर्ट्स ड्रेस देण्याचे मान्य केले. त्याला अनुसरून शाळेमध्ये आज समारंभ पूर्वक विद्यार्थ्यांना स्पोर्टस ड्रेस चे वाटप करण्यात आले.
यावेळी विठ्ठल शिंदे ,सचिन अंबुपे, मिलिंद देशपांडे मुख्याध्यापक अनिल पाटील यांनी मनोगते व्यक्त केली प्रथम स्वागत प्रस्ताविक अनिल अबुपे यांनी केले तर आभार महेश पाटील यांनी मानले. यावेळी शिक्षक शिक्षकेतर कर्मचारी विद्यार्थी उपस्थित होते.
