परिवर्तन शाळा दत्तवाड येथे नाविन्यपूर्ण उपक्रमांनी महिला दिन उत्साहात संपन्न
परिवर्तन शाळा दत्तवाड येथे नाविन्यपूर्ण उपक्रमांनी महिला दिन उत्साहात संपन्न
दत्तवाड या शिरोळ येथील परिवर्तन प्राथमिक शाळेत जागतिक महिला दिन व वार्षिक पारितोषिक वितरण समारंभ विविध कार्यक्रमानी साजरा करण्यात आला. दि. नऊ मार्च रोजी सकाळी विद्यार्थी व महिला पालकांची भव्य फनी गेम्स चा कार्यक्रम झाला. दुपारी नीलमताई माणगावे यांचे महिला प्रबोधन पर व्याख्यान झाले. त्याचबरोबर उंच माझा झोका या कार्यक्रमाअंतर्गत दत्तवाड व परिसरातील विशेष कर्तृत्ववान महिलांचा सत्कार करण्यात आला. यात विविध क्षेत्रातील महिलांची निवड करण्यात आली होती. व सायंकाळी संस्कृती मंच इचलकरंजी यांचा मंगळा गौरी कार्यक्रम आयोजित केला होता. तसेच दि. दहा मार्च रोजी सकाळी विदयार्थ्यान्च्या आई वडिलांच्या पायपुजनाचा कार्यक्रम संपन्न झाला. दत्तवाड व परिसरात हा कार्यक्रम पहिल्यांदा च घेण्यात आला. दुपारी सर्व विद्यार्थ्यांसाठी फैजान मॅजिशियन कोल्हापूर यांचा जादूचा कार्यक्रम झाला. व सायंकाळी क्रीडा स्पर्धेत यशस्वी झालेल्या विदयार्थ्याचा पारितोषिक वितरण कार्यक्रम संपन्न झाला.
