कुमार विद्या मंदिर घोसरवाडमध्ये शिक्षकांचा सदिच्छा कार्यक्रम संपन्न.

घोसरवाड :

कुमार विद्या मंदिर घोसरवाड येथील पदवीधर अध्यापक संजय रामचंद्र निकम यांची विद्या मंदिर लाटवाडी शाळेत मुख्याध्यापक पदी पदोन्नती झालेबद्दल,दत्तात्रय कचरे यांची कुमार हेरवाड शाळेत,रामचंद्र खोत यांची शाहूवाडी तालुक्यात बदली झाल्याबद्दल शाळेमार्फत त्यांचा सदिच्छा कार्यक्रम घेण्यात आला.कार्यक्रमाचे स्वागत व प्रास्ताविक मुख्याध्यापक दत्तात्रय कमते यांनी केले.त्यांनी आपल्या प्रास्ताविकामध्ये संजय निकम,कचरे व खोत सर यांनी केलेल्या कार्याचा गौरव केला व त्यांचे कार्य अशाच पद्धतीने पुढे राहो.अशा पद्धतीच्या आपल्या सद्भावना व्यक्त

केल्या.शिक्षकांचा शाल,श्रीफळ व भेटवस्तू देऊन शाळा व्यवस्थापन समितीचे अध्यक्ष रामचंद्र नंदीकुरळे,सदस्य शंकर कुलकर्णी,राजू ढोणे,वैशाली कुटवटे व केंद्रप्रमुख रमेश कोळी यांच्या हस्ते सत्कार करण्यात आला.विद्यार्थ्यांनी शिक्षकांना भेट वस्तू देऊन शिक्षकांप्रति आपल्या प्रेम व्यक्त केले. गुरुंविषयी आपल्या भावना मनोगतातून व्यक्त केल्या.       

यावेळी वाकीनगर शाळेचे मुख्याध्यापक सहदेव माळी,शामराव कांबळे,नंदकुमार पोवार,शाळा व्यवस्थापन समिती सदस्या वैशाली कुटवटे,कमते मॅडम व दत्तवाड केंद्राचे केंद्रीय प्रमुख रमेश कोळी यांनी आपल्या मनोगतांमध्ये शिक्षकांच्या कार्याचे कौतुक केले.

       सत्काराला उत्तर देताना शिक्षकांनीआपल्या मनोगतामध्ये चांगल्या भावना व्यक्त करून शाळेविषयी कृतज्ञता व्यक्त केली शाळेस 12 हजार रुपये किंमतीचा स्मार्ट टीव्ही भेट म्हणून दिला.अध्यक्षीय भाषणात शाळा व्यवस्थापन समितीचे अध्यक्ष रामचंद्र नंदीकुरळे यांनी सर्व शिक्षकांनी केलेल्या कार्याचा गौरव केला.पुढील कार्यासाठी शुभेच्छा दिल्या.

               दशरथ खोत यांनी सूत्रसंचालन केले.आभार सुशांत कांबळे यांनी मानले.कार्यक्रमास विद्यार्थी,शिक्षक,शाळा व्यवस्थापन समितीचे सदस्य व मान्यवर उपस्थित होते.