कुमार केंद्रीय कन्या शाळेचे प्रवेशद्वाराचे रंगरंगोटीचे काम पूर्ण

दत्तवाड -

येथील कुमार कन्या केंद्रीय शाळेच्या प्रवेशद्वारा असणाऱ्या भिंतीवर शासनाने विविध योजनांच्या केलेल्या घोषणांच्या रंगरंगोटीचे काम नुकतेच पूर्ण झाले शाळेचे माजी विद्यार्थी व सामाजिक कार्यकर्ते यांच्या विशेष सहकार्यातून सदर रंगकाम झाल्याची माहिती सुरज शिंगे यांनी दिली.

 शाळेचे माजी विद्यार्थी व सामाजिक कामात अग्रेसर असणारे.अमित महावीर शिंगे (प्रशासनिक अधिकारी जयसिंगपूर), श्री. निरज बसवंत कांबळे, (अधिकारी युनियन बँक ऑफ इंडिया) , श्री.सौरभ बाबसो कांबळे (प्राध्यापक ) श्री.किरण शावगोंडा पाटील (युवा नेतृत्व) यांनी आपण समाजाचे काही देणे लागतो समाजातील चांगल्या गोष्टीसाठी चांगल्या लोकांनी एकत्र येणे गरजेचे आहे या भावनेतून या रंगकामासाठी हा निधी उपलब्ध करून दिला यासाठी सामाजिक कार्यकर्ते सुरज शिंगे यांनी विशेष प्रयत्न केले  तर  ग्रामपंचयत दत्तवाड, श्री दिपक देवल कांबळे , पेंटर नितीन कांबळे  , कुमार व कन्या शाळेचे मुख्याध्यापक शिक्षक यांच्या सहकार्यातून सदर रंगकाम पूर्ण झाले. याबद्दल पालक व नागरिकांतून यांचे अभिनंदन होत आहे .