कायद्याचे पालन करून गणेश उत्सव साजरा करा -रविराज फडणीस

 दत्तवाड

गणेश उत्सव आनंदाचा सण आहे तो आनंदाने साजरा करा पण कायद्याचे पालन करा कायद्याचे पालन केला नाहीत तर कारवाई करावी लागेल आनंदाच्या क्षणाला गालबोट लागेल अशी कोणतीही कृती करू नका सर्व गणेश मंडळांनी काळजी घ्यावी. आपल्या मंडळाचे गावचे नाव खराब न करता विधायक काम करून ते उज्वल करावे. असे प्रतिपादन कुरुंदवाड पोलीस स्टेशनचे सहाय्यक पोलीस निरीक्षक रविराज फडणीस यांनी केले ते येथील गणेश उत्सवाच्या पार्श्वभूमीवर गणेश मंडळाच्या कार्यकर्त्यांसमोर बोलत होते.

       जिल्ह्यात बंदी असलेल्या डॉल्बी व लेझर किरण याचा वापर गणेश मंडळांनी करु नये मंडळांनी गावासाठी विधायक कार्य करावे आपल्या आपल्या गणेश मंडपाची व मूर्तीची सुरक्षा व्यवस्था कार्यकर्त्यांनी करावी पोलीस प्रशासनाची आपल्या  सहकार्य राहील . असे आव्हान त्यांनी मंडळांना केले.

     येथील देशभक्त रत्नाप्पा कुंभार सभागृहात गणेश उत्सवाच्या पार्श्वभूमीवर गणेश मंडळांची बैठक बोलावण्यात आली होती. स्वागत प्रास्ताविक तंटामुक्ती अध्यक्ष सुरेश पाटील यांनी केले त्यांनी दतवाड गाव शांतता प्रिय असून प्रशासनाला सर्व गणेश मंडळे सहकार्य करतील असे त्यांनी सांगितले. यावेळी मिलिंद देशपांडे यांनी मनोगत व्यक्त केले.

*आपण वाचत आहात जेडी न्यूज कोल्हापूर व बेळगाव जिल्ह्यातील विश्वासू न्यूज चॅनेल*.

   यावेळी पोलीस पाटील संजय पाटील, तंटामुक्त उपाध्यक्ष जितेंद्र बिरणगे, ग्रामपंचायत सदस्य बाबुराव पोवार, देवराज पाटील, संजय पाटील, प्रमोद पाटील, प्रकाश चौगुले ,युवराज घोरपडे यांच्यासह गणेश मंडळाचे अध्यक्ष पदाधिकारी सदस्य कार्यकर्ते मोठ्या संख्येने उपस्थित होते.