मौजे आगरच्या न्यू इंग्लिश स्कूलमध्ये अभियंता दिन साजरा
शिरोळ : प्रतिनिधी :
विजयसिंह पाटील शिक्षण प्रसारक मंडळ संचलित न्यू इंग्लिश स्कूल मौजे आगर या विद्यालयात भारतरत्न डॉ. मोक्षगुंडम विश्वेश्वरया यांचा जन्मदिवस व अभियंता दिन उत्सहात संपन्न झाला .
शिक्षण संस्थेचे सचिव मेजर के. एम भोसले , कार्यक्रमाचे अध्यक्ष इंजिनिअर गजानन पाटील सागर पाटील ,मौजे आगरचे लोकनियुक्त सरपंच अमोल चव्हाण,संचालक अमित जाधव यांच्यासह मान्यवर उपस्थितीत डॉ मोक्षगुंडम विश्वेश्वरय्या यांच्या प्रतिमेचे पूजन करण्यात आले
स्वागत व प्रास्ताविक विद्यालयाचे मुख्याध्यापक खंडेराव जगदाळे यांनी केले .
तसे संस्थेचे सचिव मेजर के. एम्. भोसले यांनी आपल्या मनोवतामध्ये डॉ. विश्वेश्वरय्या यांनी केलेल्या कार्याची माहिती करून दिली तर नितिन बागुल यांनी आपल्या मनोगतातून डॉ. विश्वेश्वरय्या यांनी अभियांत्रिकी क्षेत्रामध्ये दिलेल्या योगदानाची माहिती दिली. कार्यक्रमाचे अध्यक्ष गजाननराव पाटील यांनी डॉ. विश्वेश्वरया यांनी केलेल्या कार्याची माहिती दिली तसेच विद्यार्थ्यांना भविष्यात डॉक्टर इंजिनिअर बना व आपल्या शाळेचे आई वडीलांचे नाव उज्ज्वल करा असे आवाहन केले .आभार विद्यालयाच्या शिक्षिका सौ. निता कांबळे यांनी मानले . शाळेच्या अध्यापिका सौ जयश्री पाटील पृथ्वीचंद माच्छरेकर सर्जेराव पोवार, सिद्धार्थ कांबळे व सौ. सुप्रिया दाभाडे,अभिषेक ढोकळे यांच्यासह सर्व शिक्षक विद्यार्थी मोठ्या संख्येने उपस्थित होते
