वंचित बहुजन आघाडीच्या वतीने लेखक संजय सुतार यांचा सत्कार*

शिरोळ -

   शिरोळ तालुका वंचित बहुजन आघाडीच्या वतीने कोल्हापूर जिल्हा (उ) चे प्रसिद्धी प्रमुख संजय आप्पासाहेब सुतार (नांदणी) यांचा सत्कार मासिक "इंद्रधनुष्य" व "साहित्य सहयोग दीपावली" यांच्या संयुक्त विद्यमाने घेण्यात आलेल्या स्व. आ. डॉ. आप्पासाहेब उर्फ सा. रे. पाटील स्मृती अखिल भारतीय मराठी कथा स्पर्धेचा निकाल नुकताच जाहीर करण्यात आला. या स्पर्धेत *वंचित बहुजन आघाडीचे कोल्हापूर जिल्हा (उ) चे प्रसिद्धी प्रमुख संजय आप्पासाहेब सुतार (नांदणी)* यांच्या *"इस्कोट"* या कथेला व्दितीय क्रमांक मिळाला.    

      यानिमित्ताने वंचित बहुजन आघाडीचे शिरोळ तालुका उपाध्यक्ष उदय कांबळे , तालुका महासचिव रमेश कांबळे ( अकिवाट ) तालुका उपाध्यक्ष-अनिल कांबळे ( अकिवाट ), कुरुंदवाड शहराध्यक्ष -अमोल मधाळे व कोल्हापूर जिल्हा अध्यक्ष (उ) प्रा. विलास कांबळे, नांदणी सहकारी बँकेचे संचालक महेश परीट, सामाजिक कार्यकर्ते संजय गुरव यांनी सुतार यांची घरी जाऊन सदिच्छा भेट घेऊन सत्कार केला. तसेच त्यांच्या हातून दर्जेदार लेखन व्हावे या सदिच्छा देऊन त्यांच्या साहित्यिक कारकिर्दीस शुभेच्छा दिल्या.