श्री दत्त (शिरोळ)चा 52 वा ऊस गळीत हंगाम उत्साहात सुरु एकरकमी रुपये 3001/- देणार- गणपतराव पाटील

शिरोळ (दि.02)/प्रतिनिधी:  श्री दत्त-शिरोळ कारखान्याच्या सन 2023-2024 च्या 52 व्या ऊस गळीत हंगामाचा शुभारंभ कारखान्याचे चेअरमन, उद्यानपंडीत गणपतराव पाटील यांच्या शुभहस्ते सकाळी 9-51 वाजता संपन्न झाला. तत्पूर्वी सकाळी ठिक 9-15 वाजता कारखान्याचे सर्व संचालक मंडळ व मान्यवरांच्या शुभहस्ते काटापूजन करण्यात आले.

     यावेळी कारखान्याचे कार्यकारी संचालक एम. व्ही. पाटील यांनी उपस्थित सर्व मान्यवरांचे स्वागत केले. कारखान्याचे विस्तारीकरणाचे काम पूर्ण झाले असून पूर्ण क्षमतेने गाळप प्रक्रिया होणार असलेचे त्यांनी सांगितले. यानंतर कारखान्याचे चेअरमन गणपतराव पाटील म्हणाले, कारखान्याने नेहमीच सभासदांचे हित जोपासले आहे. सहकार चळवळ टिकली पाहिजे. सहकार चळवळ टिकली तरच सर्वसामान्य जनतेचे हित जोपासले जाईल. कारखान्याने सभासद केंद्रस्थानी मानून कारखाना व्यवस्थापनाचे कामकाज चालू आहे. या हंगामासाठी एकरकमी रुपये ३००१/- देणार असून तद्नंतर हंगाम समाप्तीनंतर हिशोबाअंती शासनाच्या आरएसएफ धोरणानुसार होणारी उसाची किंमत अदा करणार आहोत. या हंगामात १२ लाख मे. टन गाळपाचे उद्दीष्ट ठेवले असल्याचे त्यांनी सांगितले व सर्व सभासद बंधूंनी आपला ऊस कारखान्यास गळीतास पाठवून सहकार्य करावे अशी विनंती केली. यानंतर कामगार युनियनचे अध्यक्ष प्रदिप बनगे यांनी सर्व उपस्थितांचे आभार मानले.

    यावेळी कारखान्याचे व्हाईस चेअरमन अरुणकुमार देसाई, संचालक अनिलकुमार यादव, संचालिका श्रीमती विनया घोरपडे, संचालक बाबासो पाटील, शरदचंद्र पाठक, रघुनाथ पाटील, विश्वनाथ माने, शेखर पाटील, इंद्रजित पाटील, रणजित कदम, बसगोंडा पाटील, निजामसो पाटील, अमर यादव, विजय सुर्यवंशी, महेंद्र बागे, संचालिका सौ. यशोदा कोळी, सौ. संगिता पाटील-कोथळीकर, मलकारी तेरदाळे, बाळासाहेब पाटील- हालसवडे, दरगू माने-गावडे, रावसाहेब नाईक यांचेसह आण्णासाहेब पाटील (मामा), शिरोळचे नगराध्यक्ष अमरसिंह पाटील, ऊस वाहतूक संघटनेचे अध्यक्ष धनाजी पाटील-नरदेकर,  त्यांचे सर्व सहकारी, डॉ. आप्पासाहेब सा. रे. पाटील जयसिंगपूर-उदगांव बँकेचे चेअरमन सुरेश पाटील, दत्त भांडारचे चेअरमन दामोदर सुतार, जयसिंगपूरचे माजी नगरसेवक संजय पाटील-कोथळीकर, उद्योगपती अशोकराव कोळेकर, सुरेश पाटील, रावसाहेब चौगुले, शिवमूर्ती देशिंगे, संजय मगदूम, बाशू पटेल, संजय पाटील, इकबाल मोकाशी, पोपट पाटील, वसंत कुलकर्णी, सुरगोंड पाटील, रावसाहेब गळतगे, पपन जगदाळे, सुरेश चौगुले, शरद गोधडे, सुरेश कोरे, दादासाहेब पाटील, किरण पाटील-कणंगलेकर, साताप्पा बागडी, श्रीकांत माने-गावडे, आनंदराव माने-देशमुख, अॅड. अजित चौगुले, युनियनचे माजी अध्यक्ष नाना कदम व सर्व खातेप्रमुख, ऊर्जाकुर श्री दत्त पॉवर कंपनीचा सर्व स्टाफ, कामगार ट्रस्ट, कामगार सोसायटी, कामगार युनियनचे पदाधिकारी, महाराष्ट्र व कर्नाटकातील सभासद बंधू, कार्यकर्ते, हितचिंतक आदी मोठ्या संख्येने उपस्थित होते.