दत्तवाड येथे मंडल अधिकाऱ्यांची नेमणूक

 दत्तवाड येथील मंडल अधिकारी कार्यालय आहे. येथून दतवाड घोसरवाड दानवाड सैनिक टाकळी राजापूर खिद्रापूर राजापूर वाडी टाकळीवाडी या नऊ गावांचा कारभार चालतो. या नऊ गावात महापूर ग्रस्त गावे असल्याने याबरोबरच कर्नाटक सीमेवरील सर्व गावे येतात. गेल्या वर्षी विनायक माने यांची येथून बदली झाल्यानंतर येथे गेले वर्षभर  तात्पुरती अथवा प्रभारी मंडल अधिकारी यांची नियुक्ती होत होती त्यामुळे अनेक लोकांची कामे रखडली होती. यासाठी येथे कायमस्वरूपी मंडल अधिकारी यांची नेमणूक करावी याकरिता भाजपचे जिल्हा उपाध्यक्ष राजगोंडा पाटील यांनी आमदार राजेंद्र पाटील यड्रावकर, आमदार विनय कोरे, महाडिक, मंत्री चंद्रकांत दादा पाटील व इतर नेत्यांकडे वारंवार पाठपुरावा केला व कायमस्वरूपी मंडल अधिकारी नेमणूक करण्याची मागणी केली होती.त्यांच्या या पाठपुराव्याला यश आले असून  नितीन कांबळे यांची दत्तवाड  मंडल अधिकारी म्हणून नियुक्ती करण्यात आली आहे. यापूर्वी ते अब्दुल्ला येथे गाव कामगार तलाठी पदावर कार्यरत होते त्यांची पदोन्नती होऊन दत्तवाड येथे मंडल अधिकारी म्हणून नियुक्ती करण्यात आली आहे .याबद्दल नागरिकांच्यातून समाधान व्यक्त होत आहे.