हेरवाड ग्रामपंचायती कडून शिरढोणे बाप -लेकीचा सत्कार

हेरवाड: स्वातंत्र्य दिनाचे औचित्य साधून ग्रामपंचायत हेरवाड यांचे वतीने गावातील विविध क्षेत्रात उल्लेखनीय यश मिळविलेल्या व पुरस्कार प्राप्त व्यक्तीमत्वांचा सत्कार करण्यात आला.

        नुकत्याच जाहीर झालेल्या शिवाजी विद्यापीठ कोल्हापूरच्या एम.फार्म (फार्माकोलॉजी) मध्ये फर्स्ट क्लास डिस्टींक्शन मिळवून यश संपादन केल्याबद्दल कु.श्रध्दा दिलीप शिरढोणे हिचा सत्कार ग्रामपंचायतीच्या माजी सदस्या सौ.माने यांचे हस्ते करण्यात आला.

          तर प्रसिध्दी माध्यमाद्वारे सर्वसामान्यांना न्याय,मदत व प्रसिध्दी मिळवून देण्याचे कार्य करणाऱ्या श्री.दिलीप गणपती शिरढोणे आलमगिरी येथील 'बसवभूषण आदर्श पत्रकार ' पुरस्कार मिळालेबद्दल सामाजिक कार्यकर्ते इंजिनीयर शंकर माने साहेब यांचे हस्ते सत्कार करण्यात आला.

         हेरवाड ग्रामपंचायतीकडून एकाचवेळी शिरढोणे बाप -लेकीचा सत्कार केल्याबद्दल विशेष कौतुक होत आहे.